ജിയോ ലാഭം ഉയർന്നു; റിലയൻസിന്റേത് കുറഞ്ഞു

മുംബൈ∙ റിലയൻസ് ഇൻഡസ്ട്രീസ് ഏപ്രിൽ– ജൂൺ പാദത്തിലെ ലാഭം മുൻകൊല്ലം ഇതേ കാലത്തെക്കാൾ 7% കുറഞ്ഞ് 12273 കോടി രൂപയായി. എന്നാൽ, വിറ്റുവരവ് 91,238 കോടിയിൽനിന്ന് 1,44,372 കോടി രൂപയായി. റീട്ടെയിൽ ബിസിനസിനു കോവിഡ് മൂലം തടസ്സം നേരിട്ടതാണു  ലാഭം കുറയാൻ കാരണം.ഡിജിറ്റൽ കമ്പനിയായ റിലയൻസ് ജിയോയുടെ ലാഭം 45% ഉയർന്ന് 3651 കോടി രൂപയായി. വിറ്റുവരവ് 9.8% ഉയർന്ന് 18952 കോടി രൂപയായി. 44 കോടി വരിക്കാരാണ് ഉള്ളത്. ഒരു സബ്സ്ക്രൈബറിൽ നിന്നുള്ള ശരാശരി പ്രതിമാസ വരുമാനം 138.4 രൂപയാണ്.