പഞ്ചാബ് നാഷനൽ ബാങ്ക് പലിശ കുറച്ചു

ന്യൂഡൽഹി∙ റിപ്പോ അധിഷ്ഠിത പലിശ നിരക്കിൽ പഞ്ചാബ് നാഷനൽ ബാങ്ക് 25 പോയിന്റ് കുറവു വരുത്തി. 6.55% ആയിരിക്കും ഇനി നിരക്ക്. മുൻപ് 6.80% ആയിരുന്നു. നിരക്കു കുറവ് ഇന്നലെ പ്രാബല്യത്തിലായി. ഹ്രസ്വ കാല ആവശ്യങ്ങൾക്ക് വാണിജ്യ ബാങ്കുകൾക്കു റിസർവ് ബാങ്ക് നൽകുന്ന വായ്പാ പലിശനിരക്കാണ് റിപ്പോ. ഇത് അടിസ്ഥാനമാക്കിയുള്ള പലിശ നിർണയമാണ് റിപ്പോ ലിങ്ക്ഡ് ലെൻഡിങ് റേറ്റ് (ആർഎൽഎൽആർ). വ്യക്തിഗത വായ്പകൾക്ക് ബാധകമായ ഈ നിരക്ക് കണക്കാക്കൽ 2019ലാണ് നടപ്പിലായത്.