തിരികെക്കയറി ഓഹരി വിപണി

മുംബൈ∙ കനത്ത ഇടിവിനു ശേഷം ഓഹരി വിപണി മെല്ലെ തിരിച്ചുകയറി. മുംബൈ സൂചിക സെൻസെക്സ് 198.44 പോയിന്റ് (0.34%) ഉയർന്ന് 58,664.33ൽ ക്ലോസ് ചെയ്തു. ഇന്നലെ തുടക്കത്തിൽ 700 പോയിന്റിലേറെ ഇടിഞ്ഞ വിപണിയെ പ്രധാനമായും പവർ, ടെലികോം, ഫാർമ ഓഹരികളാണ്  കരകയറ്റിയത്. ദേശീയ ഓഹരി സൂചിക നിഫ്റ്റി 86.80 പോയിന്റ് (0.50%) ഉയർന്ന് 17,503.35ൽ ക്ലോസ് ചെയ്തു. 

സെൻസെക്സിൽ പവർഗ്രിഡ്, എൻടിപിസി, ടാറ്റ സ്റ്റീൽ, ഭാരതി എയർടെൽ, സൺ ഫാർമ, ബജാജ് ഫിൻസെർവ് തുടങ്ങിയ ഓഹരികൾ നേട്ടമുണ്ടാക്കിയപ്പോൾ ഇൻഡസ്ഇൻഡ് ബാങ്ക്, ഏഷ്യൻ പെയിന്റ്സ്, ഇൻഫോസിസ്, ബജാജ് ഓട്ടോ, മാരുതി തുടങ്ങിയ ഓഹരികൾ നഷ്ടത്തിലാണ് ക്ലോസ് ചെയ്തത്.