വാഹന വിപണി: ചിപ് ക്ഷാമം തുടരുന്നു

കൊച്ചി∙ ഇലക്ട്രോണിക് ചിപ് ക്ഷാമം വാഹനവിപണിയുടെ വളർച്ച തടയുന്ന അവസ്ഥ നവംബറിലും തുടർന്നു. മാരുതി, ഹ്യുണ്ടായി, ഹോണ്ട എന്നീ കാർ നിർമാതാക്കൾക്കു മുൻകൊല്ലം നവംബറിലെക്കാൾ കുറവു കാറുകൾ മാത്രമേ നിർമിച്ച് വിപണിയിലെത്തിക്കാനായുള്ളൂ. ടാറ്റ മോട്ടോഴ്സ്, മഹീന്ദ്ര, ടൊയോട്ട, നിസാൻ, സ്കോഡ തുടങ്ങിയ കമ്പനികൾക്കു വിൽപനവളർച്ച നേടാനായി.

കമ്പനി, കഴിഞ്ഞമാസം വിറ്റ കാർ എന്ന ക്രമത്തിൽ: മാരുതി 1,17,791. ഹ്യുണ്ടായ് 37,001. ടാറ്റ 29,778. മഹീന്ദ്ര 19,458. ടൊയോട്ട 13,003. ഹോണ്ട 5,457. നിസാൻ 2,651. സ്കോഡ 2,300. ഇരുചക്ര വാഹന വിപണിയിലും ഇടിവാണ്. ടിവിഎസ് 1,75,940, ബജാജ് 1,58,755, റോയൽ എൻഫീൽഡ് 44,830 എന്നിങ്ങനെയാണു വിൽപന.