എയർ ഇന്ത്യ ടാറ്റയ്ക്ക് കൈമാറുന്നത് വൈകും

ന്യൂഡൽഹി∙ നഷ്ടത്തിലായ എയർ ഇന്ത്യ വിമാനക്കമ്പനിയുടെ ഓഹരി ടാറ്റ സൺസിനു വിൽക്കുന്ന നടപടിക്രമങ്ങൾ പൂർത്തിയാകാൻ ഒരു മാസം കൂടി വൈകിയേക്കും. ഡിസംബർ അവസാനത്തോടെ ഇടപാടുകൾ പൂർത്തിയാക്കാനാണ് ലക്ഷ്യമിട്ടിരുന്നത്. ഇടപാടു സംബന്ധിച്ച ചില അനുമതികൾ ഇനിയും കിട്ടാനുണ്ട്. 2022 ജനുവരിയോടെ കൈമാറ്റം പൂർത്തിയാകുമെന്നാണു കരുതുന്നത്. 18,000 കോടി രൂപയ്ക്കാണ് എയർ ഇന്ത്യ ടാറ്റ വാങ്ങുന്നത്.