അക്ഷയ തൃതീയ: കേരളത്തിൽ 2,250 കോടിയുടെ സ്വർണ വിൽപന
Mail This Article
കൊച്ചി∙ അക്ഷയ തൃതീയ നാളിൽ കേരളത്തിൽ നടന്നത് ഏകദേശം 2000 - 2250 കോടി രൂപയുടെ സ്വർണ വ്യാപാരം. 2 വർഷത്തിനു ശേഷമാണ് അക്ഷയതൃതീയ നാളിൽ സ്വർണ വിപണിയിൽ വലിയൊരു ഉണർവ് ഉണ്ടാകുന്നത്. കഴിഞ്ഞ രണ്ടു വർഷവും ഓൺലൈനായിരുന്നു വിൽപന.
ഇന്ത്യയിലൊട്ടാകെ ഏകദേശം 15,000 കോടി രൂപയുടെ സ്വർണ വ്യാപാരം നടന്നതായി ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷന്റെ കണക്കുകൾ പറയുന്നു. ഏകദേശം 4000 കിലോ സ്വർണമാണ് കേരളത്തിൽ ചൊവ്വാഴ്ച വിൽപന നടന്നത്. 2019 ൽ അക്ഷയതൃതീയ ദിവസം 1500 കോടിയുടെ വ്യാപാരം കേരളത്തിൽ നടന്നിരുന്നു. അന്ന് പവന് വില 24,000 രൂപയിൽ താഴെയായിരുന്നെങ്കിൽ ഇപ്പോൾ 37000 രൂപയ്ക്കു മുകളിലുണ്ട്. വില കൂടിയെങ്കിലും ഉപയോക്താക്കളുടെ എണ്ണത്തിൽ കുറവു വന്നില്ലെന്ന് വ്യാപാരികൾ അറിയിച്ചു.ഇളവുകൾ പ്രഖ്യാപിച്ചതും വിലയിൽ അൽപം കുറവു വന്നതും ഉപയോക്താക്കൾക്ക് ഗുണകരമായി.
Content highlights: Akshaya tritiya, Gold sale