നികുതി കുറയ്ക്കാൻ മലേഷ്യ

‍ക്വാലലംപുർ∙ ലോകത്ത് രണ്ടാമത്തെ പാമോയിൽ ഉൽപാദകരായ മലേഷ്യ, പാമോയിലിന്റെ കയറ്റുമതി നികുതി കുറയ്ക്കാൻ ഒരുങ്ങുന്നു. നിലവിൽ 8% എന്നത് 4%- 6% ആയി കുറയ്ക്കണമെന്നാണ് ഭക്ഷ്യോൽപന്ന മന്ത്രാലയത്തിന്റെ ശുപാർശ. റഷ്യയുടെ യുക്രെയ്ൻ ആക്രമണത്തെത്തുടർന്ന് ലോകം നേരിടുന്ന ഭക്ഷ്യഎണ്ണ ക്ഷാമത്തിനു പരിഹാരം തേടിയും ആഗോള വിപണിയിലെ രാജ്യത്തിന്റെ പങ്ക് വർധിപ്പിക്കുന്നതും ലക്ഷ്യമിട്ടാണിത്.