ഗെയിമിങ്ങിന് 28% ജിഎസ്ടി ഉടൻ

ന്യൂഡൽഹി∙ ഓൺലൈൻ ഗെയിമിങ്, കസീനോകൾ എന്നിവയ്ക്ക് 28% ജിഎസ്ടി ചുമത്താൻ ജിഎസ്ടി കൗൺസിൽ നിയോഗിച്ച മന്ത്രിതലസമിതി ശുപാർശ ചെയ്യും. ഇതിനായുള്ള റിപ്പോർട്ട് അന്തിമമാക്കി. നിലവിൽ 18 ശതമാനമാണ് ജിഎസ്ടി. മേഘാലയ മുഖ്യമന്ത്രി കോൺറാഡ് സാങ്മ അധ്യക്ഷനായ സമിതിയുടേതാണ് തീരുമാനം. 

രണ്ടു ദിവസത്തിനുള്ളിൽ റിപ്പോർട്ട് കേന്ദ്രധനമന്ത്രി നിർമല സീതാരാമന് കൈമാറുമെന്ന് സാങ്മ അറിയിച്ചു. കഴിഞ്ഞ മേയിലാണ് റിപ്പോർട്ട് സമർപ്പിക്കാൻ സമിതിയെ ചുമതലപ്പെടുത്തിയത്. വരുന്ന ജിഎസ്ടി കൗൺസിലിൽ റിപ്പോർട്ട് പരിഗണിച്ചേക്കും.