എൻപിഎസ് സേവിങ്സ്: ക്രെഡിറ്റ് കാർഡ് പറ്റില്ല

ദേശീയ പെൻഷൻ പദ്ധതിയിലെ (എൻപിഎസ്) ടിയർ 2 സേവിങ്സ് അക്കൗണ്ടിൽ പണം നിക്ഷേപിക്കാനായി ഇനി ക്രെഡിറ്റ് കാർഡ് ഉപയോഗിക്കാനാവില്ല. ഇതു സംബന്ധിച്ച് പെൻഷൻ ഫണ്ട് റെഗുലേറ്ററി ആൻഡ് ഡവലപ്മെന്റ് അതോറിറ്റി (പിഎഫ്ആർഡിഎ) ഉത്തരവിറക്കി. ടിയർ 1 അക്കൗണ്ടുകളിൽ ക്രെഡിറ്റ് കാർഡ് ഉപയോഗിക്കുന്നത് തുടരാം. റിട്ടയർമെന്റിനായി സമ്പാദ്യം സൂക്ഷിക്കുന്നതിനുള്ള അക്കൗണ്ടാണ് ടിയർ-1 അക്കൗണ്ട്.

ടിയർ-2 സേവിങ്‌സ് അക്കൗണ്ടാണ്. ടിയർ-1 അക്കൗണ്ടുള്ളവർക്കേ ടിയർ-2 അക്കൗണ്ട് തുറക്കുവാൻ സാധിക്കുകയുള്ളൂ. ക്രെഡിറ്റ് കാർഡിലേത് ഉയർന്ന പലിശയുള്ള പണമായതിനാൽ പല നിക്ഷേപ പദ്ധതികളും ഇതുപയോഗിക്കാൻ പ്രോത്സാഹിപ്പിക്കാറില്ല. ക്രെഡിറ്റ് കാർഡ് ഉപയോഗിച്ച് നടത്തുന്ന പേയ്മെന്റിന് ജിഎസ്ടി കൂടാതെ 0.6 ശതമാനം തുക അധികചാർജായി നൽകണം.