കേരള ഗ്രാമീൺ ബാങ്ക് വായ്പ നിരക്കുകളിൽ ഇളവ്

കൊച്ചി∙ കേരള ഗ്രാമീൺ ബാങ്ക് ഭവന, വാഹന, വിദ്യാഭ്യാസ, സ്വർണ വായ്പകൾക്കുള്ള പലിശ നിരക്കുകൾ കുറച്ചു. ക്രിസ്മസ്-പുതുവത്സരം പ്രമാണിച്ച് പ്രോസസിങ് ചാർജ് ഇനത്തിൽ 50% ഇളവ് കൂടി പ്രഖ്യാപിച്ചു.  ഭവന-വാഹന വായ്പ ഏറ്റവും കുറഞ്ഞത് 8% നിരക്കിലും, സ്വർണ വായ്പ 6.90% നിരക്കിലും ലഭ്യമാണ്. ഇലക്‌ട്രിക്ക് വാഹങ്ങൾ വാങ്ങുന്നതിനും വീടുകളിൽ സൗരോർജ  പ്ലാന്റ് സ്ഥാപിക്കുന്നതിനും പ്രത്യേക വായ്പ പദ്ധതികളുണ്ട്. കേന്ദ്ര-സംസ്ഥാന സർക്കാർ /പൊതുമേഖലാ ജീവനക്കാർക്കും അധ്യപകർക്കുമുള്ള ഓവർഡ്രാഫ്ട് വായ്പ പദ്ധതിയും ഉണ്ട്. ഈ സേവനങ്ങൾ കേരളത്തിലെ 634 ശാഖകളിലും ലഭ്യമാണ്.