എൽഐസി സേവനം വാട്സാപ്പിൽ

ന്യൂഡൽഹി∙ ലൈഫ് ഇൻഷുറൻസ് കോർപറേഷന്റെ സേവനങ്ങൾ ഇനി വാട്സാപ് വഴിയും ലഭിക്കും. പ്രീമിയം സ്റ്റേറ്റ്മെന്റ് അടക്കമുള്ളവ ലഭ്യമാകും. പോളിസി ഓൺലൈനായിക്കൂടി റജിസ്റ്റർ ചെയ്തവർക്കേ പ്രയോജനം ലഭിക്കൂ. എൽഐസിയുടെ വെബ്സൈറ്റ് വഴി ഇൻഷുറൻസ് പോളിസി ഓൺലൈനിൽ റജിസ്റ്റർ ചെയ്യണം.

∙ 8976862090 എന്ന എൽഐസിയുടെ വാട്സാപ് നമ്പർ സേവ് ചെയ്ത ശേഷം അതിലേക്ക് 'Hi' എന്ന് വാട്സാപ് സന്ദേശം അയയ്ക്കുക.

∙ പ്രീമിയം കുടിശിക, ബോണസ്, പോളിസി സ്റ്റാറ്റസ് അടക്കം 11 സേവനങ്ങളുടെ പട്ടിക മറുപടിയായി ലഭിക്കും.

∙ ഏതേ സേവനമാണോ വേണ്ടത്, അതിനു നേരെയുള്ള നമ്പർ ടൈപ്പ് ചെയ്ത് മെസേജ് ആയി അയയ്ക്കുക.

∙ ഓൺലൈനായി റജിസ്റ്റർ ചെയ്തിട്ടുണ്ടെങ്കിൽ വിവരങ്ങൾ ലഭ്യമാകും. ഇല്ലെങ്കിൽ റജിസ്റ്റർ ചെയ്യാനുള്ള ലിങ്ക് ലഭിക്കും.