സ്വർണവില താഴ്ന്നു

കൊച്ചി∙ രണ്ടു വർഷത്തിനിടയിലെ ഏറ്റവും ഉയർന്ന നിരക്കിൽ നിന്നു സ്വർണ വില ഇന്നലെ പവന് 40,720 രൂപയിലേക്കു താഴ്ന്നു. മൂന്നു ദിവസം തുടർച്ചയായി ഉയർന്ന സ്വർണ വില ഇന്നലെ ഗ്രാമിന് 40 രൂപയും പവന് 320 രൂപയുമാണ് കുറഞ്ഞത്.  ഗ്രാമിന് 5090 രൂപയായിരുന്നു ഇന്നലത്തെ വില. 2020 ഓഗസ്റ്റ് 7ന് രേഖപ്പെടുത്തിയ ഗ്രാമിന് 5250 രൂപയാണ് ഇതുവരെയുള്ള ഉയർന്ന നിരക്ക്. 3 ദിവസമായി പവന് 680 രൂപയാണ് വർധിച്ചത്. രാജ്യാന്തര വിപണിയിൽ സ്വർണവിലയിൽ നേരിയ കുറവ് ഉണ്ടായതാണ് ഇവിടെയും വില കുറയാൻ കാരണം.