സ്വർണത്തിന് ഇ–വേ ബിൽ: മേഖലയെ തകർക്കുമെന്ന് വ്യാപാരികൾ

തിരുവനന്തപുരം ∙ സംസ്ഥാനത്ത് സ്വർണത്തിന് ഇ-വേ ബിൽ ഏർപ്പെടുത്തുന്നത് മേഖലയെയും ജനങ്ങളെയും ദോഷകരമായി ബാധിക്കുമെന്ന് ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ (എകെജിഎസ്എംഎ)  ആരോപിച്ചു. ഒരു നികുതിക്ക് മുകളിൽ സംസ്ഥാനങ്ങൾ നിബന്ധന നടപ്പാക്കുന്നത് ജിഎസ്ടിയുടെ അന്തസ്സത്തയ്ക്കു വിരുദ്ധമാണ്. പണിയിടത്തിൽ നിന്നു സ്വർണം കൊണ്ടു പോകാനും ഇ-വേ ബിൽ വേണ്ടിവരുന്നത് തൊഴിലാളിക്കു നഷ്ടമാണ്. വ്യാപാരികളെയും പ്രതികൂലമായി ബാധിക്കും.

  മേഖലയിലെ പ്രതിസന്ധികൾക്ക് പരിഹാരം കാണണമെന്നാവശ്യപ്പെട്ട് ധനമന്ത്രിക്ക് നിവേദനം നൽകിയെന്നും അസോസിയേഷൻ സംസ്ഥാന പ്രസിഡന്റ് ഡോ.ബി.ഗോവിന്ദൻ, ജനറൽ സെക്രട്ടറി കെ.സുരേന്ദ്രൻ, ട്രഷറർ എസ്.അബ്ദുൽ നാസർ എന്നിവർ പറഞ്ഞു.