കാൻസർ ബാധിതനായ ഗൃഹനാഥൻ ചികിത്സാ സഹായം തേടുന്നു
Mail This Article
കൂരോപ്പട ∙ ഗുരുതര കാൻസർ രോഗത്തെ തുടർന്നു ബുദ്ധിമുട്ടിൽ ആയ ഗൃഹനാഥൻ ചികിത്സ സഹായത്തിനു പണം കണ്ടെത്താനാകാതെ വിഷമത്തിൽ. കൂലി പണി ചെയ്തു കുടുംബം പുലർത്തിയിരുന്ന അരുവിക്കുഴി മൂങ്ങാനയിൽ കെ.എസ്.വിജയൻ(50)ആണ് ദുരിതത്തിൽ കഴിയുന്നത്.കിഡ്നി തകരാറിനെ തുടർന്നു ചികിത്സയിൽ കഴിയുന്നതിനിടെ ആണ് ഇരുട്ടടി ആയി നാക്കിൽ കാൻസർ കൂടി പിടികൂടുന്നത്.
സംസാരിക്കാൻ പോലും ആകാതെ ദുരിതത്തിൽ ആയി ഇതോടെ. ആകെ 3 സെന്റ് സ്ഥലം ആണുള്ളത്. വാടക വീട്ടിൽ ആണ് ഇപ്പോൾ താമസം.നാട്ടുകാരുടെയും മറ്റും സഹായത്തിൽ ആണ് ചികിത്സ ചിലവുകൾ കഴിഞ്ഞൂ കൂടുന്നത്. ഭാര്യ സിന്ധുവിനും രോഗം ഉള്ളതിനാൽ മുന്നോട്ടു ചോദ്യചിഹ്നം ആകുക ആണ് ഇവരുടെ ജീവിതം. വിദ്യാർഥികൾ ആയ 2 ആൺമക്കളും അടങ്ങുന്നതാണ് കുുടുംബം.കരുണയുള്ളവർ സഹായത്തിനു എത്തും എന്ന പ്രതീക്ഷയിൽ കാത്തിരിക്കുക ആണ് ഇവരുടെ കുടുംബം. ഫോൺ–9447937929
ബാങ്ക് അക്കൗണ്ട് നമ്പർ– വിജയൻ കെ.എസ്. എസ്ബിഐ കൂരോപ്പട ശാഖ –അക്കൗണ്ട് നമ്പർ– 67257210587. IFSC - SBIN0070363