വൃക്കരോഗം: ഗൃഹനാഥൻ ചികിത്സാ സഹായം തേടുന്നു

കരുനാഗപ്പള്ളി ∙ ഇരുവൃക്കകളും തകരാറിലായ അറുപതുകാരൻ ജീവൻ നിലനിർത്താൻ ചികിത്സാ സഹായം തേടുന്നു. തഴവ കുറ്റിപ്പുറം തൂവശ്ശേരി പടീറ്റതിൽ രഘുവാണ് (60) കാരുണ്യം തേടുന്നത്. ആലപ്പുഴ മെഡിക്കൽ കോളജ് ആശുപത്രിയിലും മാവേലിക്കര വിആർഎം ആശുപത്രിയിലുമായി 3 വർഷമായി ഡയാലിസിസ് നടത്തി വരികയാണ് രഘു.

സാമ്പത്തികമായി പിന്നാക്കം നിൽക്കുന്ന കുടുംബം ചികിത്സ തുടരാൻ പ്രയാസപ്പെടുകയാണ്. കുറ്റിപ്പുറത്ത് വാടകവീട്ടിലാണ് താമസം. അസുഖത്തെ തുടർന്നു രഘുവിനു ജോലികൾക്കൊന്നും പോകാൻ കഴിയാത്ത അവസ്ഥയിലായി. ഭാര്യ ഗീതയ്ക്കും ജോലി ഇല്ല. ആഴ്ച തോറുമുള്ള ഡയാലിസിസിനു പോകാൻ പോലും ഈ കുടുംബം ബുദ്ധിമുട്ടുകയാണ്.

സുഹൃത്തുക്കളും അയൽവാസികളും ഉൾപ്പെടെയുള്ളവരുടെ സഹായത്താലാണ് ഇതുവരെയുള്ള ചികിത്സകൾ മുന്നോട്ടു കൊണ്ടു പോയത്. ജീവിതം പോലും മുന്നോട്ടു കൊണ്ടു പോകാൻ ബുദ്ധിമുട്ടുന്ന ഇവർ ചികിത്സാ സഹായത്തിനായി സുമനസ്സുകളുടെ - സഹായം തേടുകയാണ്.കോർപറേഷൻ ബാങ്ക് പാവുമ്പ ശാഖയിൽ അക്കൗണ്ട് തുറന്നു.

അക്കൗണ്ട് നമ്പർ : 2029727511
IFSC code - CORP0001427
ഫോണ്‍ : 9526920062