ചിൽ ട്രംപ് ചിൽ!

കഴിഞ്ഞ വർഷം തന്നെ പരിഹസിക്കാൻ ഉപയോഗിച്ച അതേ വാക്കുകൾ ഉപയോഗിച്ച് ഡോണൾഡ് ട്രംപിന് സ്വീഡിഷ് പരിസ്ഥിതി പ്രവർത്തക ഗ്രേറ്റ ട്യുൻബെർഗിന്റെ മറുപടി ട്വീറ്റ്. ‘വോട്ടെണ്ണൽ നിർത്തിവയ്ക്കൂ’ എന്ന ട്രംപിന്റെ ട്വീറ്റിനെ പരിഹസിച്ചാണ് ഗ്രേറ്റയുടെ മറുപടി. ‘എത്ര പരിഹാസ്യം. ഡോണൾഡ് ദേഷ്യം നിയന്ത്രിക്കാൻ എന്തെങ്കിലും ഉടൻ ചെയ്യണം. എന്നിട്ടു നല്ലൊരു പഴഞ്ചൻ സിനിമ കൂട്ടുകാരനൊപ്പം പോയി കാണൂ. ഒന്നു തണുക്കട്ടെ’ എന്നാണു ഗ്രേറ്റ‌ കുറിച്ചത്. 

കാലാവസ്ഥാവ്യതിയാനത്തിനെതിരെ പ്രചാരണം നടത്തുന്ന ഗ്രേറ്റയെ 2019ൽ ടൈം വാരികയുടെ ‘പഴ്സൻ ഓഫ് ദി ഇയർ’ ആയി തിരഞ്ഞെടുത്തപ്പോഴാണു ‘രോഷം തണുപ്പിക്കൂ’ എന്നു പരിഹസിച്ച് ട്രംപ് ട്വീറ്റ് ചെയ്തത്.

English Summary: Greta Thunberg trolls Trump with his own tweet