തൊഴിലില്ലായ്മ നിരക്കിൽ കുറവ്; കേരളം അഞ്ചാമത്

കേന്ദ്ര സ്റ്റാറ്റിസ്റ്റിക്കൽ മന്ത്രാലയത്തിന്റെ കണക്കുകൾ പ്രകാരം ഒക്ടോബർ– ഡിസംബർ കാലയളവിൽ കേരളത്തിന്റെ നഗരമേഖലകളിലെ തൊഴിലില്ലായ്മ നിരക്കിൽ കാര്യമായ കുറവ്. ജൂലൈ–സെപ്റ്റംബറിൽ 10.1 ശതമാനമായിരുന്നത് 8.6 ശതമാനമായി കുറഞ്ഞു.

​തൊഴിലില്ലായ്മ നിരക്കിൽ രാജ്യത്ത് അഞ്ചാമതാണ് കേരളം. കഴിഞ്ഞ പാദത്തിൽ നാലാമതായിരുന്നു.

രാജ്യത്തെ സ്ത്രീകളുടെ തൊഴിലില്ലായ്മ നിരക്ക് ജൂലൈ – സെപ്റ്റംബറിലെ 8.4ൽനിന്ന് 8.1 ശതമാനമായി

തൊഴിലില്ലായ്മ നിരക്കിൽ മുന്നിൽ

ജമ്മു കശ്മീർ  13.1%

​ഹിമാചൽപ്രദേശ്10.4%

​രാജസ്ഥാൻ 9.7%

​ഒഡീഷ 8.7%

​ബിഹാർ 8.7%

​ഛത്തീസ്ഗഡ് 8.6 %

​കേരളം 8.6 %

​അസം 8.2%

തൊഴിലില്ലായ്മ നിരക്ക് ഏറ്റവും കുറവ് 

ഗുജറാത്തിലും 3% 

ഡൽഹിയിലും 3.1%

കേരളത്തിന്റെ സമീപ സംസ്ഥാനങ്ങളിലെ നിരക്ക്:

തമിഴ്നാട് 5.9%

കർണാടക 4.9%

ആന്ധ്രപ്രദേശ് 7.3%

കേരളം: തൊഴിലില്ലായ്മ നിരക്ക് (ബ്രാക്കറ്റിൽ ജൂലൈ– സെപ്റ്റംബറിലെ നിരക്ക്)

പുരുഷന്മാർ: 6.5% (7.1%)

സ്ത്രീകൾ: 12.6% (16.1%)

6.4% 

രാജ്യമാകെയുള്ള നഗരമേഖലകളിലെ തൊഴിലില്ലായ്മ നിരക്കിൽ മാറ്റമില്ല, 6.4%. കഴിഞ്ഞ പാദത്തിലും ഇതേ നിരക്കായിരുന്നു.​

നഗരമേഖല കേന്ദ്രീകരിച്ചുള്ള കണക്കാണ് ഓരോ ത്രൈമാസവും കേന്ദ്ര സ്റ്റാറ്റിസ്റ്റിക്കൽ മന്ത്രാലയം പ്രസിദ്ധീകരിക്കുന്നത്. ഗ്രാമീണമേഖലകളിലേതു വർഷത്തിലൊരിക്കൽ മാത്രമാണ് പ്രസിദ്ധീകരിക്കുന്നത്.

(രാജ്യത്തെ വിവിധ സംസ്ഥാനങ്ങളിലെ നഗരമേഖലകൾ കേന്ദ്രീകരിച്ച് 15നു മുകളിൽ പ്രായമായവരെ അടിസ്ഥാനപ്പെടുത്തിയാണ് കണക്ക് തയാറാക്കിയത്)