Manoramaonline.com no longer supports Internet Explorer 8 or earlier. Please upgrade your browser.  Learn more »

നികുതി കുടിശിക: സിദ്ദുവിന്റെ രണ്ടു ബാങ്ക് അക്കൗണ്ട് മരവിപ്പിച്ചു

Navjot Singh Sidhu

ന്യൂഡൽഹി ∙ നികുതി അടയ്ക്കുന്നതിൽ വീഴ്ചവരുത്തിയതിനു പഞ്ചാബ് മന്ത്രിയും മുൻ ക്രിക്കറ്റ് താരവുമായ നവ്ജ്യോത് സിങ് സിദ്ദുവിന്റെ രണ്ടു ബാങ്ക് അക്കൗണ്ടുകൾ ആദായനികുതിവകുപ്പു മരവിപ്പിച്ചു. നികുതി ഇളവിനായി ചെലവിനത്തിൽ 1.31 കോടി രൂപ സിദ്ദു ആദായനികുതിവകുപ്പിനു സമർപ്പിച്ച കണക്കിൽ ഉൾപ്പെടുത്തിയിരുന്നു.

വസ്ത്രം (28.38 ലക്ഷം), യാത്ര (38.24 ലക്ഷം), ജീവനക്കാർക്കുള്ള ശമ്പളം (47.11 ലക്ഷം), ഡീസൽ (17.80 ലക്ഷം) എന്നിവയാണു ചെലവു കാണിച്ചത്. എന്നാൽ ഇതു സംബന്ധിച്ച രേഖകളൊന്നും നൽകിയില്ല. ചെലവിന്റെ ആധികാരികത തെളിയിക്കാൻ കഴിഞ്ഞിട്ടില്ലാത്തതിനാൽ സിദ്ദു 52 ലക്ഷം രൂപ നികുതി അടയ്ക്കണമെന്നാണ് ആദായനികുതിവകുപ്പിന്റെ നിലപാട്. സിദ്ദുവിന്റെ അപ്പീൽ ആദായനികുതി കമ്മിഷണർ തള്ളിയതിനെത്തുടർന്നാണ് അക്കൗണ്ട് മരവിപ്പിച്ചത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.