Manoramaonline.com no longer supports Internet Explorer 8 or earlier. Please upgrade your browser.  Learn more »

ജാർഖണ്ഡിൽ വീണ്ടും പട്ടിണി മരണം

റാഞ്ചി∙ ജാർഖണ്ഡിൽ ഒരു സ്ത്രീകൂടി പട്ടിണി മൂലം മരിച്ചു. ഗിരിഡിക് ജില്ലയിലെ ഡുമരിയിൽ പ്ലാസ്റ്റിക് പെറുക്കി വിറ്റ് ഉപജീവനം നടത്തിയിരുന്ന മീന മുഷറാണു (45) മരിച്ചത്. മൂന്നു ദിവസമായി ഭക്ഷണം കഴിക്കാത്തതിനാൽ കുഴഞ്ഞുവീണ ഇവരെ തോളിലേറ്റി ഒരു കിലോമീറ്റർ താണ്ടി മകൻ ഗൗതം ഛാത്ര സർക്കാർ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

അമ്മയുടെ ശരീരം ചുമന്നു മകൻ ആശുപത്രിയിലേക്കു പോകുന്ന ചിത്രം സമൂഹമാധ്യമങ്ങളിൽ വൈറലായതോടെ അന്വേഷിച്ചു റിപ്പോർട്ട് നൽകാൻ ഛാത്ര ഡപ്യൂട്ടി കമ്മിഷണർ ജിതേന്ദ്ര കുമാർ ഉത്തരവിട്ടു. ഇതേസമയം, പോസ്റ്റ്മോർട്ടത്തിനു ശേഷമേ മരണകാരണം സ്ഥിരീകരിക്കാനാവുകയുള്ളൂവെന്നു ഡോക്ടർമാർ അറിയിച്ചു.

ബിഹാറിലെ ഗയ സ്വദേശികളായ മീനയും മകനും ഒരു വർഷത്തിലേറെയായി ഡുമരിയിലാണു താമസം. മൂന്നു ദിവസത്തിനിടെ സംസ്ഥാനത്തുണ്ടാകുന്ന രണ്ടാമത്തെ പട്ടിണിമരണമാണിത്. കഴിഞ്ഞദിവസം ഗിരിഡിക് ജില്ലയിലെ മഗരഗഡിയിൽ സാവിത്രിദേവി മരിച്ചിരുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.