ന്യൂഡൽഹി∙ തിരഞ്ഞെടുപ്പു വർഷത്തെ ഇടക്കാല കേന്ദ്ര ബജറ്റ് ധനമന്ത്രി അരുൺ ജയ്റ്റ്ലി ഫെബ്രുവരി 1ന് അവതരിപ്പിക്കും. ഈ മാസം 31 മുതൽ ഫെബ്രുവരി 13 വരെയാണു ബജറ്റ് സമ്മേളനം.
തിരഞ്ഞെടുപ്പിനിണങ്ങിയ രാഷ്ട്രീയ നീക്കങ്ങൾ ബജറ്റിൽ പ്രതീക്ഷിക്കാം. കർഷക കടാശ്വാസവും ആദായനികുതിയിളവും പ്രഖ്യാപിക്കാൻ സർക്കാരിനു മേൽ സമ്മർദമുണ്ട്. പൊതു ബജറ്റിന്റെ ഭാഗമാക്കിയതു കൊണ്ട് ഇത്തവണയും പ്രത്യേക റെയിൽവേ ബജറ്റില്ല.