ബെംഗളൂരു∙ കർണാടക കോൺഗ്രസ് എംഎൽഎമാരെ പാർപ്പിച്ചിരുന്ന റിസോർട്ടിൽ വിജയനഗർ എംഎൽഎ ആനന്ദ് സിങ് ആക്രമിക്കപ്പെട്ട സംഭവത്തിൽ കാംപ്ലി എംഎൽഎ: ജെ.എൻ.ഗണേഷിനെതിരെ പൊലീസ് കേസെടുത്തു. ഇദ്ദേഹത്തെ അന്വേഷണ വിധേയമായി കോൺഗ്രസിൽ നിന്ന് സസ്പെൻഡ് ചെയ്തു.
ഉപമുഖ്യമന്ത്രി ജി.പരമേശ്വരയുടെ നേതൃത്വത്തിൽ മൂന്നംഗ കമ്മിഷൻ സംഭവം അന്വേഷിച്ച് ഉടൻ റിപ്പോർട്ട് നൽകും. ഇതിന്റെ അടിസ്ഥാനത്തിലായിരിക്കും തുടർ നടപടിയെന്ന് എഐസിസി ജനറൽസെക്രട്ടറി കെ.സി.വേണുഗോപാൽ എംപി അറിയിച്ചു.