ഓഡിറ്റർ നിയമനം: ഐസിഎഐ വിശദീകരണം പിൻവലിച്ചു

ന്യൂഡൽഹി∙ ചില വിഭാഗം കമ്പനികളിൽ ഓഡിറ്റർമാരെ ഊഴമനുസരിച്ച് നിയമിക്കുന്നതു സംബന്ധിച്ച് ചാർട്ടേഡ് അക്കൗണ്ടന്റുമാരുടെ മേൽനോട്ട സമിതിയായ ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടന്റ്സ് ഓഫ് ഇന്ത്യ (ഐസിഎഐ) പുറപ്പെടുവിച്ച വിശദീകരണം പിൻവലിച്ചു. കമ്പനി നിയമപ്രകാരമുള്ള കാര്യങ്ങളിൽ വിശദീകരണം നൽകാൻ ഐസിഎഐക്ക് അധികാരമില്ലെന്നും ഉടൻ ഇതു പിൻവലിക്കണമെന്നും കാട്ടി  കമ്പനികാര്യ മന്ത്രാലയം കത്ത് നൽകിയതിനെ തുടർന്നാണിത്.