മാപ്പു പറയുന്നത് നാണക്കേടല്ല: അപർണ സെൻ

എസ്എസ്കെഎം ആശുപത്രിയിൽ നടന്ന അനിഷ്ട സംഭവങ്ങളെ തുടർന്നു പ്രതിഷേധിച്ച ഡോക്ടർമാരെ ഭീഷണിപ്പെടുത്തിയതിന് അവരോടു മാപ്പുപറയുന്നതിൽ മുഖ്യമന്ത്രി മമത ബാനർജി നാണക്കേടു വിചാരിക്കേണ്ടതില്ല. ബംഗാളിനായി മമത ഒട്ടേറെ ചെയ്തിട്ടുണ്ട്.

എന്നാൽ അവർ ഡോക്ടർമാരോടു പ്രതികരിച്ച രീതി അംഗീകരിക്കാനാവില്ല. ഭീഷണിപ്പെടുത്തി ഒന്നും നേടാനാവില്ല. ഡോക്ടർമാരുമായി നേരിട്ടു സംസാരിച്ച് മുഖ്യമന്ത്രി അവരുടെ പരാതികൾ ക്ഷമയോടെ കേൾക്കണം. ജോലിസ്ഥലത്ത് ഡോക്ടർമാരുടെ സുരക്ഷ ഉറപ്പാക്കണം. പ്രശ്നം വഷളാകുന്നത് പാവപ്പെട്ട രോഗികളെയാണ് ബാധിക്കുക.