ADVERTISEMENT

ന്യൂഡൽഹി ∙ വെടിയേറ്റു വീണിട്ടും ഭീകരനെ തിരിച്ചുവെടിവച്ചു വീഴ്ത്തിയ ജമ്മു–കശ്മീർ പൊലീസ് ഇൻസ്പെക്ടർ അർഷാദ് അഹമ്മദ് ഖാൻ(37) വീരമൃത്യു വരിച്ചു. ദക്ഷിണ കശ്മീരിലെ അനന്ത്നാഗിൽ കഴിഞ്ഞ ബുധനാഴ്ചയുണ്ടായ ഭീകരാക്രമണത്തിൽ പരിക്കേറ്റു ചികിത്സയിലായിരുന്ന ഇദ്ദേഹത്തെ രക്ഷപ്പെടുത്താനുള്ള ഡോക്ടർമാരുടെ ശ്രമം ഫലവത്തായില്ല. ഇതോടെ അനന്ത്നാഗ് ആക്രമണത്തിൽ വീരമൃത്യു വരിച്ച സുരക്ഷാ സൈനികരുടെ എണ്ണം 6 ആയി.

നേരത്തേ വീരമൃത്യു വരിച്ച 5 പേരും സിആർപിഎഫ് ജവാന്മാരായിരുന്നു. മോട്ടോർ സൈക്കിളിലെത്തിയ ജയ്ഷെ മുഹമ്മദ് ഭീകരർ സിആർപിഎഫ് – പൊലീസ് പട്രോൾ സംഘത്തെ ആക്രമിക്കുകയായിരുന്നു. കവചിത വാഹനത്തിൽനിന്നു പുറത്തിറങ്ങുമ്പോൾ അർഷാദ് അഹമ്മദ് ഖാനു നേരെ ഭീകരൻ തുരുതുരാ നിറയൊഴിച്ചു. വീണിട്ടും ഭീകരനെതിരെ വെടിയുതിർത്ത ഇദ്ദേഹത്തിന്റെ ധീരത പരക്കെ പ്രശംസിക്കപ്പെട്ടു.

ശ്രീനഗറിലെ കരസേനാ ആശുപത്രിയിൽ ചികിത്സയിലായിരുന്ന ഇദ്ദേഹത്തെ സ്ഥിതി മോശമായതോടെ എയർ ആംബുലൻസിൽ ഡൽഹി ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലേക്കു കൊണ്ടുവരികയായിരുന്നു. ഭാര്യയും 2 മക്കളുമുണ്ട്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com