ഇന്ത്യക്കാരിക്ക് യുഎസിൽ 6 വർഷം തടവ്

ന്യൂഡൽഹി ∙ വീടും സ്ഥലവും നൽകാമെന്നു പറഞ്ഞ് ആളുകളെ കബളിപ്പിച്ച് 6 ലക്ഷം ഡോളർ തട്ടിയെടുത്ത് ആ പണം ധൂർത്തടിച്ച ഇന്ത്യക്കാരി രശ്മി മഹാരാജിന് (53) യുഎസ് കോടതി 6 വർഷം തടവ് വിധിച്ചു. വിശ്വാസ വഞ്ചന, ഗൂഢാലോചന, തട്ടിപ്പ് തുടങ്ങിയ കുറ്റങ്ങൾ സംശയാതീതമായി തെളിഞ്ഞതിനെ തുടർന്നാണ് ക്വീൻ ഡിസ്ട്രിക്ട് ആക്ടിങ് അറ്റോർണി ജോൺ റയൺ തടവു വിധിച്ചത്. പലരിൽ നിന്നു തട്ടിയെടുത്ത വൻ തുക യാത്രയ്ക്കും ചൂതുകളിക്കും ആർഭാടത്തിനുമായി അവർ ചെലവാക്കുകയായിരുന്നു.