ഹരിയാന മുഖ്യമന്ത്രി മനോഹർലാൽ ഖട്ടർ വോട്ട് ചെയ്യാനെത്തിയത് സൈക്കിൾ ചവിട്ടി
Mail This Article
×
ചണ്ഡിഗഡ് ∙ ഹരിയാന മുഖ്യമന്ത്രി മനോഹർലാൽ ഖട്ടർ (65) വോട്ട് ചെയ്യാൻ പോളിങ് ബൂത്തിലെത്തിയത് സൈക്കിളിൽ. ചണ്ഡിഗഡിൽ നിന്ന് 2 മണിക്കൂർ യാത്ര ചെയ്ത് കർണാലിൽ എത്തിയത് ജനശതാബ്ദി ട്രെയിനിലാണ്. യാത്രയിൽ ഉടനീളം സഹയാത്രക്കാരുമായി സജീവ ചർച്ചയിലായിരുന്നു അദ്ദേഹം.
കർണാലിലെത്തിയ ശേഷം ഇ– റിക്ഷയിൽ കയറി. പിന്നീടാണ് ബൂത്തിലേക്കു പോകാൻ സൈക്കിൾ എടുത്തത്.
ചണ്ഡിഗഡിലെ ഔദ്യോഗിക വസതിയിൽ നിന്ന് സെക്രട്ടേറിയറ്റിലേക്ക് പോകാൻ സൈക്കിളാണ് ഖട്ടർ മിക്കപ്പോഴും ഉപയോഗിച്ചിരുന്നത്. പരിസ്ഥിതി സംരക്ഷണത്തിന് ഗുണകരമായതിനാൽ ചെറിയ യാത്രകൾക്ക് ആളുകൾ പരമാവധി സൈക്കിൾ ഉപയോഗിക്കണമെന്ന് അദ്ദേഹം അഭ്യർഥിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
