sections
MORE

നെഹ്റു കൃതികൾ: 100 വാല്യങ്ങളും പൂർത്തിയായി; 2 സീരിസുകളിലായി പ്രകാശനം

Jawaharlal-Nehru
SHARE

ന്യൂഡൽഹി ∙ ജവാഹർലാൽ നെഹ്റുവിന്റെ തിരഞ്ഞെടുത്ത കൃതികളുടെ 100 വാല്യങ്ങളും പൂർത്തിയായി. നെഹ്റുവിന്റെ കത്തുകൾ, ലേഖനങ്ങൾ, പ്രസംഗങ്ങൾ തുടങ്ങി രാജ്യത്തിന്റെ പ്രഥമ പ്രധാനമന്ത്രിയെക്കുറിച്ചു ലഭ്യമായ എല്ലാ ചരിത്രരേഖകളും ഉൾപ്പെടുത്തി ജവാഹർലാൽ നെഹ്റു മെമ്മോറിയൽ ഫണ്ട് തയാറാക്കിയതാണ് ഈ ഗ്രന്ഥങ്ങൾ. ചരിത്രകാരൻ പ്രഫ. മാധവൻ കെ. പാലാട്ടാണ് എഡിറ്റർ.

14ന് നെഹ്റു സ്മാരക മ്യൂസിയത്തിൽ അദ്ദേഹം നടത്തുന്ന നെഹ്റു അനുസ്മരണ പ്രഭാഷണച്ചടങ്ങിൽ 100 വാല്യങ്ങളും പ്രകാശിപ്പിക്കുന്ന പ്രഖ്യാപനം നടത്തും. 2 സീരിസുകളിലായാണ് ഇവ. സർവേപ്പള്ളി ഗോപാലായിരുന്നു ആദ്യ സീരീസ് എഡിറ്റർ.

സ്വതന്ത്ര ഇന്ത്യയുടെ 17 വർഷം

സ്വതന്ത്ര ഇന്ത്യയുടെ ആദ്യ 17 വർഷത്തിന്റെ ചരിത്രം കൂടിയാണ് ഈ ഗ്രന്ഥങ്ങളിലൂടെ വെളിപ്പെടുന്നതെന്നു പ്രഫ. മാധവൻ കെ. പാലാട്ട് പറഞ്ഞു. അറിയപ്പെടാത്ത ഒരു മുഖം നെഹ്റുവിനുണ്ടായിരുന്നില്ല. ചിന്തിച്ചതെല്ലാം എഴുത്തുകളിലൂടെയും പ്രസംഗങ്ങളിലൂടെയും കത്തുകളിലൂടെയും പ്രസിദ്ധപ്പെടുത്തിയിട്ടുണ്ട്.

രാഷ്ട്രതന്ത്രജ്ഞൻ, സാഹിത്യ കുതുകി, കലാകാരൻ, തത്വചിന്തകൻ തുടങ്ങി നെഹ്റു വ്യാപരിച്ചിരുന്ന വിവിധ തലങ്ങളുടെ നേർച്ചിത്രങ്ങളാണ് ചരിത്രരേഖകളുടെ സമാഹരണത്തിലൂടെ ഒരുക്കിയിരിക്കുന്നത്. 8 വർഷം കൊണ്ടാണ് 100 വാല്യങ്ങൾ തയാറാക്കിയത്.

English Summary: Books by Jawaharlal Nehru

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN INDIA
SHOW MORE
FROM ONMANORAMA