കശ്മീരിൽ മഞ്ഞുമല ഇടിഞ്ഞ് 9 പേർ മരിച്ചു
Mail This Article
ശ്രീനഗർ ∙ ജമ്മു കശ്മീരിൽ മൂന്നിടങ്ങളിൽ മഞ്ഞുമലയിടിഞ്ഞ് 4 സൈനികർ ഉൾപ്പെടെ 9 പേർ മരിച്ചു. നിയന്ത്രണരേഖയിൽ മാച്ചിൽ സെക്ടറിലെ കരസേനാ പോസ്റ്റിൽ ഇന്നലെ രാവിലെയുണ്ടായ ദുരന്തത്തിലാണ് 3 സൈനികർ കൊല്ലപ്പെട്ടത്. ഒരാളെ കാണാതായി. ഒരാളെ രക്ഷപ്പെടുത്തി.
നിയന്ത്രണ രേഖയിൽത്തന്നെ നൗഗാം ജില്ലയിൽ തിങ്കളാഴ്ചയുണ്ടായ മഞ്ഞിടിച്ചിലിൽ ബിഎസ്എഫ് ജവാൻ കൊല്ലപ്പെട്ടു. ഇവിടെ 6 പേരെ രക്ഷപ്പെടുത്തി. ഗന്തർബാൽ ജില്ലയിലെ ഗഗാഞ്ചിർ മേഖലയിൽ തിങ്കളാഴ്ച രാത്രിയുണ്ടായ സമാന അപകടത്തിൽ 5 ഗ്രാമീണരാണു കൊല്ലപ്പെട്ടത്. ഇവിടെ 4 പേരെ രക്ഷപ്പെടുത്താൻ കഴിഞ്ഞു.
ഇതേസമയം, പാക്ക് അധിനിവേശ കശ്മീരിൽ ഒട്ടേറെ സ്ഥലങ്ങളിൽ തിങ്കളാഴ്ച മഞ്ഞിടിഞ്ഞ് 57 പേർ കൊല്ലപ്പെട്ടു.
ഗുൽമാർഗിൽ കഴിഞ്ഞ 7 ന് മഞ്ഞിൽ തെന്നിവീണ് പാക്കിസ്ഥാൻ അതിർത്തി കടന്ന ഇന്ത്യൻ സൈനികൻ രാജേന്ദ്രസിങ് നേഗിയെ ഇനിയും തിരിച്ചയച്ചിട്ടില്ല.
English Summary: 9 killed in Kashmir avalanches