sections
MORE

ഡബ്ല്യുഎച്ച്ഒ പറയുന്നു കൊറോണ നിർമാർജനം ചെയ്യാൻ ഇന്ത്യയ്ക്കാകും

michael-j-ryan-who
മൈക്കൽ റയൻ.
SHARE

ജനീവ ∙ കൊറോണ വൈറസ് മഹാമാരിയെ നിർമാർജനം ചെയ്യാൻ ശേഷിയുള്ള രാജ്യമാണ് ഇന്ത്യയെന്നു ലോകാരോഗ്യ സംഘടന(ഡബ്ല്യുഎച്ച്ഒ)യുടെ എക്സിക്യൂട്ടീവ് ഡയറക്ടർ മൈക്കൽ റയൻ. ഒരു കാലത്തു കൊലയാളികളായിരുന്ന വസൂരി, പോളിയോ എന്നീ മഹാവ്യാധികളെ രാജ്യത്തുനിന്ന് തുടച്ചുനീക്കിയ അനുഭവജ്ഞാനം ഇന്ത്യയ്ക്കുണ്ട്. ജനസംഖ്യയിൽ രണ്ടാം സ്ഥാനത്തുള്ള ഇന്ത്യയ്ക്ക് കൊറോണ വൈറസിനെതിരായ പോരാട്ടത്തിൽ നേതൃത്വം വഹിക്കാനാകുമെന്നും അദ്ദേഹം പറഞ്ഞു. ഇന്ത്യ 1977ൽ വസൂരിയും 2014ൽ പോളിയോയും തീർത്തും ഇല്ലാതാക്കി.

കൊറോണ വൈറസ് മഹാമാരി ലോകമെങ്ങും അതിവേഗം പടരുകയാണെന്ന് ഡബ്ല്യുഎച്ച്ഒ ഡയറക്ടർ ജനറൽ ടെഡ്രോസ് അദാനം പറഞ്ഞു. ചൈനയിൽ രോഗം ആദ്യം റിപ്പോർട്ട് ചെയ്ത് 67 ദിവസം കൊണ്ടാണ് അത് ഒരു ലക്ഷം പേരിലേക്കു പടർന്നത്. പിന്നീട് 11 ദിവസത്തിനുള്ളിൽ അതു 2 ലക്ഷമായി. അടുത്ത ഒരു ലക്ഷം പേരിലേക്കെത്താൻ 4 ദിവസമേ വേണ്ടിവന്നുള്ളൂവെന്നും അദ്ദേഹം ചൂണ്ടിക്കാട്ടി. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN INDIA
SHOW MORE
FROM ONMANORAMA