ഇ–ടിക്കറ്റ് കാൻസൽ ചെയ്യേണ്ട, ഓട്ടമാറ്റിക് റീഫണ്ട്: ഐആർസിടിസി

ന്യൂഡൽഹി ∙ കോവിഡ് വ്യാപനം തടയുന്നതിന്റെ ഭാഗമായി റദ്ദാക്കിയ ട്രെയിനുകളിൽ ഓൺലൈനായി ടിക്കറ്റ് ബുക്ക് ചെയ്തവർ അവ കാൻസൽ ചെയ്യേണ്ടതില്ലെന്നും റീഫണ്ട് തുക അല്ലാതെതന്നെ അവരവരുടെ അക്കൗണ്ടിൽ ലഭിക്കുമെന്നും ഐആർസിടിസി.

ഇ ടിക്കറ്റ് കാൻസൽ ചെയ്താൽ റീഫണ്ട് കുറയുമെന്നും ഓട്ടമാറ്റിക്കായി റെയിൽവേ തന്നെ ചെയ്യുമ്പോൾ തുകയിൽ കുറവു വരില്ലെന്നും അറിയിപ്പിൽ പറയുന്നു. ഇത്തരം ട്രെയിനുകളിലെ കൗണ്ടർ ടിക്കറ്റുകൾ കാൻസൽ ചെയ്യാൻ ജൂൺ 21 വരെ സമയം അനുവദിച്ചിരുന്നു. ഈ മാസം 31 വരെയുള്ള ട്രെയിനുകളാണ് റദ്ദാക്കിയിട്ടുള്ളത്.