വീട്ടുപടിക്കൽ മരുന്നെത്തിക്കാൻ ‌അനുമതി

ന്യൂഡൽഹി ∙ രാജ്യത്ത് ലോക്ഡൗൺ നിലനിൽക്കെ, വീട്ടുപടിക്കൽ മരുന്നെത്തിച്ചു നൽകാൻ മെഡിക്കൽ സ്റ്റോറുകൾക്കു കേന്ദ്രാനുമതി. ഇതിനായി ജില്ലാ ഡ്രഗ്സ് കൺട്രോൾ വിഭാഗത്തിൽ പ്രത്യേകം ഇമെയിൽ ഐഡി റജിസ്റ്റർ ചെയ്യണം. ഇമെയിൽ മുഖേന ലഭിക്കുന്ന കുറിപ്പടിയിൽ മാത്രമേ മരുന്നെത്തിക്കാവൂ. മരുന്നുകട പ്രവർത്തിക്കുന്ന റവന്യു ജില്ലാ പരിധിയിൽ മാത്രമാണ് അനുമതി. മാറാരോഗങ്ങൾക്കുള്ള മരുന്നാണെങ്കിൽ 30 ദിവസം വരെയും അല്ലാത്തവയ്ക്ക് ഒരാഴ്ച വരെയും കുറിപ്പടിക്കു കാലാവധിയുണ്ടാകും. ഇടപാടു വിവരങ്ങൾ കെമിസ്റ്റ് സൂക്ഷിക്കണം.

English Summary: Permission to home delivery of medicine