ടെലിമെഡിസിൻ നിയമവിധേയം

ന്യൂഡൽഹി ∙ കോവിഡ് ആശങ്ക നിലനിൽക്കെ, ടെലിമെഡിസിൻ നിയമവിധേയമാക്കുന്ന നിർണായക തീരുമാനവുമായി ഇന്ത്യ. ഫോൺ കോൾ മുതൽ വിവിധ ചാറ്റിങ് ആപ്ലിക്കേഷൻ വരെ ഉപയോഗപ്പെടുത്തി ഡോക്ടർമാർക്ക് രോഗികളെ ചികിത്സിക്കാൻ വഴിയൊരുക്കുന്ന ടെലിമെഡിസിൻ സാമൂഹിക അകലം ഉറപ്പാക്കുന്നതിൽ പ്രധാനമാണ്.

തൽക്കാലം, മെഡിക്കൽ കൗൺസിൽ ഓഫ് ഇന്ത്യ പുറത്തിറക്കിയ മാർഗനിർദേശങ്ങൾ പാലിച്ചാൽ മതിയാകും. എന്നാൽ, ഔദ്യോഗികമായി ടെലിമെഡിസിൻ പ്രാക്ടിസ് ചെയ്യാൻ ആഗ്രഹിക്കുന്ന ഡോക്ടർമാർ ഇതിനായി പ്രത്യേക ഓൺലൈൻ കോഴ്സ് ചെയ്യേണ്ടിവരും. 3 വർഷത്തിനുള്ളിൽ ഇതു പൂർത്തിയാക്കണമെന്നതാണു പ്രധാന നിർദേശം. 

English Summary: Tele medicine