ആദായനികുതി ഇളവിന് നിക്ഷേപം ജൂൺ 30 വരെ

ന്യൂഡൽഹി ∙ ആദായ നികുതി ഇളവിനായി നിക്ഷേപം നടത്താനുള്ള സമയപരിധി ജൂൺ 30 വരെയാക്കി. ഇതനുസരിച്ച് 2019–20ലെ റിട്ടേണിൽ ഇളവ് വാങ്ങാം. റിട്ടേൺ ഫയൽ ചെയ്യാനുള്ള സമയവും ജൂൺ 30 വരെ നീട്ടിയിട്ടുണ്ട്.

ഈ മാസം മുതൽ ജൂൺ വരെ നടത്തുന്ന പിഎഫ് നിക്ഷേപത്തിന് 2019–20 വർഷമാണോ 2020–21 വർഷമാണോ ഇളവു വേണ്ടതെന്നു സ്വയം തീരുമാനിക്കാം. എൽഐസി, എൻഎസ്‌സി, മെഡിക്ലെയിം, 80 ജി പ്രകാരമുള്ള സംഭാവനകൾ എന്നിവയ്ക്കും ജൂൺ 30 എന്ന സമയപരിധി ആനുകൂല്യമുണ്ട്. കോവിഡ് പ്രതിരോധ നടപടികൾക്കായുള്ള പ്രധാനമന്ത്രിയുടെ നിധിയിലേക്കുള്ള സംഭാവനകൾക്ക് 100% നികുതിയിളവുണ്ട്.