പഠനം വേരൂന്നും, സംസ്കാരത്തിൽ

ന്യൂഡൽഹി ∙ ഇന്ത്യൻ സംസ്കാരത്തിലും പാരമ്പര്യത്തിലും പൈതൃകത്തിലും വേരൂന്നും വിധം സ്കൂൾ പാഠ്യപദ്ധതിയും പഠനസമ്പ്രദായവും പരിഷ്കരിക്കുമെന്ന് വിദ്യാഭ്യാസ നയം വ്യക്തമാക്കുന്നു. കളികളും കലകളും കഥകളും ഉദാഹരണങ്ങളും കഴിയുന്നിടത്തോളം രാജ്യത്തിന്റെ പശ്ചാത്തലത്തിൽ നിന്നാകും.

പ്രാചീന ഇന്ത്യ ആധുനിക ഇന്ത്യയ്ക്കു നൽകിയ സംഭാവനകൾ ഉൾപ്പെടെ പാഠ്യപദ്ധതിയിൽ ഉൾപ്പെടുത്തും; ശാസ്ത്രം ഉൾപ്പെടെ മേഖലകളിൽ ഇന്ത്യയെ പ്രചോദിപ്പിച്ച വ്യക്തികളെക്കുറിച്ചു വിഡിയോ ഡോക്യുമെന്ററികളും.

ധാർമിക – നൈതിക യുക്തിബോധമുണ്ടാകുന്നതിലൂടെ പരമ്പരാഗത ഇന്ത്യൻ മൂല്യങ്ങളും അടിസ്ഥാന മാനുഷിക – ഭരണഘടനാ മൂല്യങ്ങളും വിദ്യാർഥികളിൽ വികസിക്കും. പഞ്ചതന്ത്രം, ജാതക കഥകൾ, ഹിതോപദേശം എന്നിവയും ഇന്ത്യൻ പാരമ്പര്യത്തിലെ മറ്റു പ്രചോദനകരമായ കഥകളും അറിയാൻ അവസരമുണ്ടാകും.

English Summary: Education