ഐടി നോട്ടിസ്; കേന്ദ്ര നടപടിയിൽ സന്തോഷമെന്ന് ശരദ് പവാർ

മുംബൈ∙ തിരഞ്ഞെടുപ്പു സത്യവാങ്മൂലവുമായി ബന്ധപ്പെട്ട് ആദായനികുതി വകുപ്പിന്റെ നോട്ടിസ് ലഭിച്ചതായി എൻസിപി അധ്യക്ഷൻ ശരദ് പവാർ. കേന്ദ്രത്തിന്റെ സ്നേഹത്തിൽ സന്തോഷമുണ്ടെന്നും നോട്ടിസിനു മറുപടി നൽകുമെന്നും അദ്ദേഹം പറഞ്ഞു. പവാറിന്റെ മകൾ സുപ്രിയ സുളെ എംപി, മഹാരാഷ്ട്ര മുഖ്യമന്ത്രി ഉദ്ധവ് താക്കറെ, അദ്ദേഹത്തിന്റെ മകനും മന്ത്രിയുമായ ആദിത്യ താക്കറെ എന്നിവർക്കെതിരെ ലഭിച്ച പരാതി തിരഞ്ഞെടുപ്പു കമ്മിഷൻ കേന്ദ്ര പ്രത്യക്ഷ നികുതി ബോർഡിന് (സിബിഡിടി) കഴിഞ്ഞ ദിവസം കൈമാറിയിരുന്നു.