മുംബൈ കെട്ടിട ദുരന്തം: മരണം 25 ആയി

മുംബൈ ∙ 12 മൃതദേഹങ്ങൾ കൂടി കണ്ടെടുത്തതോടെ ഭിവണ്ടി കെട്ടിട ദുരന്തത്തിൽ മരണം 25 ആയി. 9 കുട്ടികളാണു മരിച്ചത്. അവശിഷ്ടങ്ങൾക്കിടയിൽ നിന്നു രക്ഷപ്പെടുത്തിയ 25 പേർ ഭിവണ്ടി, താനെ എന്നിവിടങ്ങളിലെ ആശുപത്രികളിൽ ചികിത്സയിലുണ്ട്. തിങ്കളാഴ്ച പുലർച്ചെയായിരുന്നു അപകടം. 40 ഫ്ലാറ്റുകളുള്ള മൂന്നുനില കെട്ടിടത്തിന്റെ ഒരുഭാഗമാണ് നിലംപൊത്തിയത്. 43 വർഷം പഴക്കമുളളതാണു കെട്ടിടം. ദുന്തത്തിനു പിന്നാലെ സമീപത്തെ 2 കെട്ടിടങ്ങൾ കോർപറേഷൻ ഒഴിപ്പിച്ചു.