ആസിഫ് അൻസാരി യൂത്ത് ലീഗ് അധ്യക്ഷൻ
Mail This Article
×
ന്യൂഡൽഹി ∙ ദേശീയ യൂത്ത് ലീഗ് അധ്യക്ഷൻ സാബിർ ഗഫാർ രാജിവച്ചു. ബംഗാളിൽ കഴിഞ്ഞ ദിവസം രൂപീകരിച്ച ഇന്ത്യൻ സെക്കുലർ ഫ്രണ്ടുമായി (ഐഎസ്എഫ്) സഹകരിക്കാൻ മുസ്‌ലിം ലീഗ് തയാറാകാത്തതിനാലാണു രാജിയെന്ന് കൊൽക്കത്ത സ്വദേശിയായ സാബിർ പറഞ്ഞു.
തുടർന്ന് യൂത്ത് ലീഗ് ദേശീയ അധ്യക്ഷനായി ആസിഫ് അൻസാരിയെ പാർട്ടി അധ്യക്ഷൻ ഖാദർ മൊയ്തീൻ നിയമിച്ചു. ഡൽഹി സ്വദേശിയായ ആസിഫ് ദേശീയ ഉപാധ്യക്ഷനായിരുന്നു.
ആത്മീയനേതാവ് അബ്ബാസ് സിദ്ദിഖിയാണ് ഐഎസ്എഫ് രൂപീകരിച്ചത്. അസദുദ്ദീൻ ഉവൈസിയുടെ എഐഎംഐഎം, കാൻഷി റാം രൂപീകരിച്ച അഖിലേന്ത്യാ പിന്നാക്ക ന്യൂനപക്ഷ സമുദായ എംപ്ലോയീസ് ഫെഡറേഷൻ (ബിഎഎംസിഇഎഫ്) എന്നിവയുമായി ചേർന്നു ബംഗാൾ നിയമസഭാ തിരഞ്ഞെടുപ്പിൽ മത്സരിക്കാനാണ് ഐഎസ്എഫ് ആലോചിക്കുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
