വരവര റാവുവിന് ഇടക്കാല ജാമ്യം
Mail This Article
×
മുംബൈ ∙ പുണെയിലെ ഭീമ–കൊറേഗാവ് കേസിൽ രണ്ടര വർഷമായി ജയിലിൽ കഴിയുന്ന മനുഷ്യാവകാശ പ്രവർത്തകനും തെലുങ്കു കവിയുമായ വരവരറാവുവിന് (82) ബോംബെ ഹൈക്കോടതി 6 മാസത്തെ ഇടക്കാല ജാമ്യം അനുവദിച്ചു.
പ്രായവും അനാരോഗ്യവും ജയിലിലെ ചികിത്സാ സംവിധാനങ്ങളുടെ അപര്യാപ്തതയും കണക്കിലെടുത്താണ് ഉത്തരവ്. കസ്റ്റഡിയിൽ തുടർന്നാൽ ആരോഗ്യസ്ഥിതി കൂടുതൽ വഷളാകുമെന്നും തങ്ങൾക്കു കാഴ്ചക്കാരായിരിക്കാൻ കഴിയില്ലെന്നും കോടതി പറഞ്ഞു.
അന്ധേരിക്കടുത്ത് നാനാവതി സ്വകാര്യ ആശുപത്രിയിൽ ചികിത്സയിൽ കഴിയുന്ന വരവരറാവുവിനെ ഉടൻ ഡിസ്ചാർജ് ചെയ്ത് ജാമ്യത്തിൽ വിടണമെന്നു കോടതി നിർദേശിച്ചു. മുംൈബയിൽ, എൻഐഎ കോടതിയുടെ പരിധിയിൽ തന്നെ താമസിക്കണമെന്നും ഹൈക്കോടതി നിർദേശിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
