ADVERTISEMENT

കണ്ണൂർ ∙ തിരഞ്ഞെടുപ്പിൽ ഇനി മത്സരിക്കാനില്ലെന്നു പുതുച്ചേരി മുൻ മന്ത്രിയും കോൺഗ്രസ് നേതാവുമായ ഇ.വത്സരാജ്. പുതുതലമുറയ്ക്കായി വഴിമാറുകയാണെന്ന് അദ്ദേഹം വ്യക്തമാക്കി.

മാഹിയിൽനിന്നു പുതുച്ചേരി മന്ത്രിസഭയിൽ ആദ്യമായി എത്തിയ നേതാവാണു വത്സരാജ്. മാഹിയിൽ 1990 മുതൽ 7 തവണ മത്സരിച്ചതിൽ ആറിലും ജയിച്ച വത്സരാജ് 4 തവണ മന്ത്രിയായി.ബിജെപിയുടെ അടവുകൾ പുതുച്ചേരിയിൽ വിലപ്പോകില്ലെന്നു വത്സരാജ് പറഞ്ഞു. ഇപ്പോൾ ബിജെപിയിലേക്കു പോയ കോൺഗ്രസ് എംഎൽഎമാർ നാലും അഞ്ചും തവണ പാർട്ടി മാറിയവരാണ്.

പുതുച്ചേരിയിൽ ബിജെപിക്ക് 2.44% വോട്ടേയുള്ളൂ. അവർക്ക് ജയിക്കാവുന്ന ഒരു സാഹചര്യവും മുന്നിലില്ല. ബിജെപി സമീപിച്ചിരുന്നതായി മാഹി എംഎൽഎ വി.രാമചന്ദ്രൻ പറഞ്ഞതായി കണ്ടു. അതു നടന്നത് 2 വർഷം മുൻപാണ്. അക്കാര്യം അപ്പോൾ പറയാതിരുന്നതിൽ ദുരൂഹതയുണ്ടെന്നും വത്സരാജ് ആരോപിച്ചു.

English Summary: E Valsaraj refuses to contest puducherry polls

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com