കോവിഡ്: ‌ബിഹാർ ചീഫ് സെക്രട്ടറി മരിച്ചു

പട്ന ∙ ബിഹാർ ചീഫ് സെക്രട്ടറി അരുൺ കുമാർ സിങ് (59) കോവിഡ് ബാധിച്ചു മരിച്ചു. പട്നയിലെ സ്വകാര്യ ആശുപത്രിയിൽ ചികിത്സയിലായിരുന്നു. ഇന്നലെ മന്ത്രിസഭാ യോഗം ചേരുന്നതിനിടെയാണ് മുഖ്യമന്ത്രി നിതീഷ് കുമാർ ചീഫ് സെക്രട്ടറിയുടെ മരണവാർത്ത അറിയിച്ചത്. 1985 ബാച്ച് ബിഹാർ കേഡർ ഐഎഎസ് ഉദ്യോഗസ്ഥനായ അരുൺ കുമാർ സിങ് ഫെബ്രുവരിയിലാണ് ചീഫ് സെക്രട്ടറിയായി ചുമതലയേറ്റത്. ഓഗസ്റ്റിൽ വിരമിക്കാനിരിക്കയായിരുന്നു. 

ബിഹാർ അഡീഷനൽ ചീഫ് സെക്രട്ടറി ചൈതന്യ പ്രസാദ്, ധന പ്രിൻസിപ്പൽ സെക്രട്ടറി എസ്. സിദ്ധാർഥ് തുടങ്ങി ഒട്ടേറെ ഉന്നത ഉദ്യോഗസ്ഥർ കോവിഡ് ചികിത്സയിലാണ്. 2 ദിവസം മുൻപാണ് വ്യവസായ ഡയറക്ടർ പങ്കജ് കുമാർ സിങ് മരിച്ചത്.

Content Highlights: Bihar Chief secretary dies of Covid