കലാപാഹ്വാനം; കങ്കണയുടെ ട്വിറ്റർ അക്കൗണ്ട് പൂട്ടി

1200-kangana
SHARE

ന്യൂഡൽഹി ∙ ബംഗാളിൽ കലാപാഹ്വാനം നടത്തിയ ട്വീറ്റിനെത്തുടർന്ന് നടി കങ്കണ റനൗട്ടിന്റെ ട്വിറ്റർ അക്കൗണ്ട് സസ്പെൻഡ് ചെയ്തു. ബംഗാളിൽ തോറ്റ ബിജെപി സ്ഥാനാർഥി സ്വപൻദാസ് ഗുപ്ത, തിരഞ്ഞെടുപ്പ് അക്രമങ്ങളെക്കുറിച്ചു നടത്തിയ ട്വീറ്റ്, റീ ട്വീറ്റു ചെയ്ത് കങ്കണ എഴുതിയത് ഇങ്ങനെ: ‘ഇത് ഭീകരമാണ്. ഗുണ്ടയെ നേരിടാൻ സൂപ്പർ ഗുണ്ട വേണം. അവർ (മമത) ഒരു ഭീകര ജീവിയാണ്... അവരെ മെരുക്കാൻ മോദിജി 2000ത്തിന്റെ തുടക്കത്തിൽ ഗുജറാത്തിൽ കാണിച്ച വിരാട രൂപം പുറത്തെടുക്കൂ...’ 

സ്പർധയും വെറുപ്പുമുണ്ടാക്കുന്ന ഉള്ളടക്കം വഴി കങ്കണയുടെ അക്കൗണ്ട് പലവട്ടം സമൂഹമാധ്യമ നയം ലംഘിച്ചതായി ട്വിറ്റർ അറിയിച്ചു. അക്കൗണ്ട് സ്ഥിരമായി സസ്പെൻഡ് ചെയ്യുകയാണെന്നും വ്യക്തമാക്കി. മൂർച്ച കൂടിയ പ്രതികരണങ്ങളാണ് മിക്കപ്പോഴും കങ്കണ നടത്താറുള്ളത്. ട്വിറ്റർ നടപടി ജനാധിപത്യ വിരുദ്ധമെന്നാണ് കങ്കണയുടെ പ്രതികരണം.

ഇതിനിടെ, ബംഗാളിലെ അക്രമങ്ങളിൽ ദുഃഖിക്കുന്ന വിഡിയോ ഇൻസ്റ്റഗ്രാമിൽ കങ്കണ പോസ്റ്റ് ചെയ്തു. അവിടെ രാഷ്ട്രപതി ഭരണം വേണമെന്നും കങ്കണ നിറകണ്ണുകളോടെ ആവശ്യപ്പെടുന്നുണ്ട്. 

English Summary: Twitter Suspends Kangana Ranaut's Account, She Terms it 'Death of Democracy'

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കുwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN LATEST NEWS
SHOW MORE
Video

പയ്യാമ്പലം കടപ്പുറത്ത് ചിതകളെരിയുമ്പോൾ

MORE VIDEOS
FROM ONMANORAMA