അജിത് സിങ് അന്തരിച്ചു

ന്യൂഡൽഹി ∙ മുൻ പ്രധാനമന്ത്രി ചരൺ സിങ്ങിന്റെ മകനും രാഷ്ട്രീയ ലോക്ദൾ അധ്യക്ഷനും മുൻ കേന്ദ്ര മന്ത്രിയുമായ അജിത് സിങ് (82) അന്തരിച്ചു. കോവിഡ് ബാധിച്ച് കഴിഞ്ഞ മാസം 20 മുതൽ ചികിത്സയിലായിരുന്നു. 

ഒരു തവണ രാജ്യസഭയിലേക്കും 6 തവണ ലോക്സഭയിലേക്കും തിരഞ്ഞെടുക്കപ്പെട്ടു. വി.പി.സിങ്, പി.വി.നരസിംഹറാവു, എ.ബി. വാജ്പേയി, മൻമോഹൻ സിങ് എന്നിവരുടെ മന്ത്രിസഭകളിൽ അംഗമായിരുന്നു. വ്യവസായം, വ്യോമയാനം, കൃഷി, ഭക്ഷ്യസംസ്കരണം, വാണിജ്യം തുടങ്ങിയ വകുപ്പുകൾ കൈകാര്യം ചെയ്തു. 

ഭാര്യ: രാധിക സിങ്. മക്കൾ: നിധി ഗുപ്ത, ദീപ സിങ്, മുൻ എംപി: ജയന്ത് ചൗധരി.