ലക്ഷദ്വീപ്: ഹൈക്കോടതി മാറ്റാൻ നിയമഭേദഗതി വേണ്ടിവരും

ന്യൂഡൽഹി ∙ ലക്ഷദ്വീപിനെ കേരള ഹൈക്കോടതിയുടെ അധികാര പരിധിയിൽനിന്ന് ഒഴിവാക്കണമെങ്കിൽ, സംസ്ഥാന പുനഃസംഘടനാ നിയമംതന്നെ ഭേദഗതി ചെയ്യേണ്ടിവരും. ഭരണഘടനയുടെ 241(4) വകുപ്പനുസരിച്ച്, ഏതെങ്കിലും സംസ്ഥാനത്തെ ഹൈക്കോടതിയുടെ അധികാര പരിധിയിൽ കേന്ദ്ര ഭരണപ്രദേശം ഉൾപ്പെടുത്താനോ ഒഴിവാക്കാനോ പാർലമെന്റിനാണ് അധികാരം. 1956 ലെ സംസ്ഥാന പുനഃസംഘടനാ നിയമത്തിന്റെ 60ാം വകുപ്പിലൂടെയാണ് ലക്ഷദ്വീപിനെ കേരള ഹൈക്കോടതിയുടെ പരിധിയിലാക്കിയത്.

English Summary: Law amendment needed to change high court purview of lakshadweep