രാജ്യാന്തര വിമാനങ്ങൾ അടുത്ത മാസാവസാനം

ന്യൂഡൽഹി ∙ രാജ്യാന്തര യാത്രാവിമാന സർവീസുകൾ ഈ വർഷമവസാനത്തോടെ സാധാരണ രീതിയിൽ പുനരാരംഭിക്കാനാകുമെന്നാണു പ്രതീക്ഷയെന്നു കേന്ദ്ര വ്യോമയാന സെക്രട്ടറി രാജീവ് ബൻസൽ പറഞ്ഞു. കോവിഡ് വ്യാപനത്തെത്തുടർന്ന് കഴിഞ്ഞ വർഷം മാർച്ചിൽ നിർത്തിവച്ച സർവീസുകൾക്ക് ഈ മാസം 30 വരെയാണ് വിലക്കേർപ്പെടുത്തിയിരിക്കുന്നത്. വിലക്ക് ഏതാനും ആഴ്ചകൾ കൂടി നീട്ടും. വിവിധ രാജ്യങ്ങളുമായുണ്ടാക്കിയ കരാറിന്റെ അടിസ്ഥാനത്തിലുള്ള വിമാനങ്ങൾ, വിദേശ ചരക്കു വിമാനങ്ങൾ, വന്ദേ ഭാരത് സർവീസുകൾ, പ്രത്യേകാനുമതിയുള്ള ചാർട്ടേഡ് വിമാനങ്ങൾ എന്നിവയാണു നിലവിൽ സർവീസ് നടത്തുന്നത്.

English Summary: International Flights for India To Return To Normal By End-Dec