മേഘാലയ – അസം അതിർത്തിതർക്കം രൂക്ഷമാകുന്നു

കൊൽക്കത്ത ∙ അതിർത്തിയിൽ തർക്കങ്ങൾ സൃഷ്ടിക്കാൻ മേഘാലയ ശ്രമിക്കുന്നതായി അസം ആരോപിച്ചു. തർക്കപ്രദേശത്ത് താമസിക്കുന്നവരോട് മേഘാലയ പക്ഷം ചേരാൻ സമ്മർദം ചെലത്തുന്നതായി അസം മന്ത്രി അതുൽ ബോറ ആരോപിച്ചു. ആരോപണം മേഘാലയ മുഖ്യമന്ത്രി കൊൺറാഡ് സാങ്മ നിഷേധിച്ചു.

അസം-മേഘാലയ അതിർത്തിയിൽ 12 സ്ഥലങ്ങളിലാണ് തർക്കമുള്ളത്. ഈ വർഷം അവസാനത്തോടെ അതിർത്തിതർക്കം അവസാനിപ്പിക്കാൻ ഇരു സംസ്ഥാനങ്ങളും തീരുമാനിച്ചിരുന്നു. തർക്കപ്രദേശങ്ങളിലെ ജനങ്ങൾക്ക് അഭിപ്രായം അറിയിക്കാൻ അവസരമുണ്ട്.

English Summary: Meghalaya Assam border dispute