ട്രെയിനിലെ ഗാർഡ് ഇനി ‘ട്രെയിൻ മാനേജർ’

ന്യൂഡൽഹി ∙ ‘ഗാർഡ്’ എന്ന തസ്തികപ്പേര് ‘ട്രെയിൻ മാനേജർ’ എന്നു മാറ്റാൻ റെയിൽവേ ബോർഡ് തീരുമാനിച്ചു.  അതനുസരിച്ച്, അസിസ്റ്റന്റ് ഗാർഡ് – അസിസ്റ്റന്റ് പാസഞ്ചർ ട്രെയിൻ മാനേജർ, ഗുഡ്സ് ഗാർഡ് – ഗുഡ്സ് ട്രെയിൻ മാനേജർ, സീനിയർ ഗുഡ്സ് ഗാർഡ് – സീനിയർ ഗുഡ്സ് ട്രെയിൻ മാനേജർ, സീനിയർ പാസഞ്ചർ ഗാർഡ് – സീനിയർ പാസഞ്ചർ ട്രെയിൻ മാനേജർ, മെയിൽ അല്ലെങ്കിൽ എക്സ്പ്രസ് ഗാർഡ് – മെയിൽ അല്ലെങ്കിൽ എക്സ്പ്രസ് ട്രെയിൻ മാനേജർ എന്നിങ്ങനെ മാറും. എന്നാൽ, തസ്തികയുടെ പേരു മാറുന്നതിന്റെ പേരിൽ സേവന വേതന വ്യവസ്ഥകളിൽ മാറ്റമുണ്ടാവില്ലെന്ന് റെയിൽവേ വ്യക്തമാക്കി.

English Summary: Railways ‘guard’ redesignated as 'train manager'