‘അഭിഭാഷകർ മൊബൈലിലൂടെ ഹാജരാകേണ്ട’

ന്യൂഡൽഹി ∙ കോവിഡ് മൂലം സുപ്രീം കോടതി ഓൺലൈനായി വാദം കേൾക്കുന്നതിനിടെ അഭിഭാഷകർ വ്യാപകമായി മൊബൈൽ ഫോൺ വഴി ഹാജരാകുന്നതിൽ ചീഫ് ജസ്റ്റിസ് എൻ.വി. രമണ അതൃപ്തിയറിയിച്ചു. വാദം കേൾക്കൽ തുടർച്ചയായി തടസ്സപ്പെടാൻ ഇതു കാരണമാകുന്നുവെന്നു വ്യക്തമാക്കിയ അദ്ദേഹം, ഈ സ്ഥിതി തുടർന്നാൽ മൊബൈലിലൂടെ ഹാജരാകുന്നതു നിരോധിക്കേണ്ടി വരുമെന്നു മുന്നറിയിപ്പു നൽകി. കേസ് പരിഗണിക്കവേ കേട്ട അപശബ്ദങ്ങളെ തുടർന്നു ചില ഹർജികൾ കോടതിക്കു മാറ്റിവയ്ക്കേണ്ടിവന്നിരുന്നു. മറ്റു ചില ജഡ്ജിമാരും ഇതേ പ്രശ്നം ചൂണ്ടിക്കാട്ടി. കംപ്യൂട്ടറോ ലാപ്ടോപ്പോ വഴി ഹാജരാകുമ്പോൾ ഈ തടസ്സം ഒഴിവാകുമെന്നാണ് കോടതിയുടെ സാങ്കേതികവിഭാഗം പറയുന്നത്.

English Summary: Supreme Court's Direction On Virtual Hearings After A Day Of Disruptions