10 രൂപയ്ക്ക് വാഹനം കിട്ടില്ല എന്ന് കളിയാക്കി; 10 ലക്ഷം രൊക്കം സംഘടിപ്പിച്ച് കർഷകൻ
Mail This Article
ബെംഗളൂരു∙ പിക്കപ്പ് വാഹനത്തിന്റെ വില 10 രൂപയല്ല, 10 ലക്ഷമാണെന്നു പറഞ്ഞ് ആക്ഷേപിച്ച ഷോറൂം ജീവനക്കാരനെ ഞെട്ടിച്ച് അര മണിക്കൂറിനുള്ളിൽ മൊത്തം വില സംഘടിപ്പിച്ചു നൽകി തൂമക്കൂരുവിലെ കർഷകൻ. പിക്കപ്പ് വാൻ വാങ്ങുന്നതിനാണ് കെംപെഗൗഡയും കർഷകരായ 7 സുഹൃത്തുക്കളും ഷോറൂമിലെത്തിയത്. ഇത്രയും ആളുകളെയും കൂട്ടി വരേണ്ട ആവശ്യമില്ലെന്നു പറഞ്ഞ എക്സിക്യുട്ടീവ് കർഷകരുടെ വേഷത്തെയും കളിയാക്കി.
അര മണിക്കൂറിനുള്ളിൽ 10 ലക്ഷം രൂപ സമാഹരിച്ച് തിരിച്ചെത്തിയ ഗൗഡ വാഹനം ആവശ്യപ്പെട്ടു. 3 ദിവസത്തിനുള്ളിൽ വീട്ടിലെത്തിച്ച് നൽകാമെന്ന് ജീവനക്കാർ പറഞ്ഞെങ്കിലും ഉടൻ വേണമെന്ന നിലപാടിൽ ഉറച്ചു നിന്നു. പൊലീസ് ഇടപെട്ടതോടെ ഉടൻ വണ്ടി നൽകാനായില്ലെങ്കിൽ വേഷത്തെ കളിയാക്കിയ ജീവനക്കാരൻ മാപ്പു പറയണമെന്നായി. പിരിഞ്ഞു പോകാൻ പൊലീസ് നിർബന്ധിച്ചതോടെ വണ്ടി വേണ്ടെന്നു വച്ച്, ജീവനക്കാരനെ കൊണ്ടു മാപ്പു പറയിച്ച് ഗൗഡയും കൂട്ടരും മടങ്ങി.
English Summary: Karnataka Farmer's Sweet Revenge After Car Showroom Turned Him Away