കശ്മീരിൽ ഭീകരരുടെ വെടിയേറ്റ് വിദ്യാർഥി കൊല്ലപ്പെട്ടു

ശ്രീനഗർ ∙ സുരക്ഷാസേന വളഞ്ഞപ്പോൾ ഭീകരർ നടത്തിയ വെടിവയ്പിൽ പതിനെട്ടുകാരനായ വിദ്യാർഥി കൊല്ലപ്പെട്ടു. ഒരു സൈനികൻ ഉൾപ്പെടെ രണ്ടു പേർക്കു പരുക്കേറ്റു. ഷോപിയാനിലെ പാൻഡോഷനിലാണ് ഏറ്റുമുട്ടൽ നടന്നത്. സുരക്ഷാസേനയിൽ നിന്നു രക്ഷപ്പെടാൻ ഭീകരർ തലങ്ങും വിലങ്ങും വെടിവയ്ക്കുകയായിരുന്നു. ഇതേസമയം, അനന്ത്നാഗ് ജില്ലയിലെ ഡൂരുവിൽ ഏറ്റുമുട്ടലിൽ രണ്ടു ഭീകരരെ വധിച്ചു. അമർനാഥ് യാത്ര തടസ്സപ്പെടുത്താനായിരുന്നു ഭീകരരുടെ ശ്രമമെന്ന് പൊലീസ് അറിയിച്ചു.

English Summary: Student killed in terrorist firing