പട്ടിണി കാരണം കുഞ്ഞിനെ 20,000 രൂപയ്ക്ക് വിറ്റു; അറസ്റ്റ്

ചെന്നൈ ∙ തമിഴ്നാട്ടിലെ തിരുവള്ളൂരിൽ പട്ടിണിയെ തുടർന്ന് നവജാതശിശുവിനെ 20,000 രൂപയ്ക്ക് വിറ്റ അമ്മയെയും വാങ്ങിയ സ്ത്രീയെയും അറസ്റ്റ് ചെയ്തു. 3 ദിവസം മുൻപു ജനിച്ച ആൺകുഞ്ഞിനെയാണു യുവതി വിറ്റത്. ഭർത്താവ് മദ്യപനായതിനാൽ തന്റെ കൂലിപ്പണി മാത്രമാണു കുടുംബത്തിന്റെ ഏക വരുമാനമെന്നും മറ്റു 2 മക്കളെ പോറ്റാൻ വഴിയില്ലാതെ വന്നതോടെയാണു കുഞ്ഞിനെ വിൽക്കേണ്ടി വന്നതെന്നും അവർ മൊഴി നൽകി. പ്രസവത്തിനു പോയ യുവതി കുഞ്ഞില്ലാതെ തിരികെയെത്തിയതിനെ തുടർന്നു ബന്ധുക്കൾ ചോദ്യം ചെയ്തതിനെ തുടർന്നാണു സംഭവം പുറത്തുവന്നത്.

English Summary: Mother sells child due to proverty